شوبز ڈائری: ’دارو کا کوٹہ تو فُل ہے نا چنٹو چاچا‘
کورونا وائرس کی وبا نے دنیا بھر میں لوگوں کو بلکل ایک نئے ہی انداز میں جینے پر مجبور کر دیا ہے۔ بازار بند، روزگار بند، سڑکیں سُنسان اور ساتھ ہی فلم انڈسٹری بھی بند۔ ایسے میں بالی وڈ ستارے کیا کریں۔
اب چونکہ سب لوگ خالی ہیں اور خبروں یا سوشل میڈیا پر بھی رہنا ضروی ہے تو سب اپنے اپنے کام پر لگ گئے۔ کسی نے یہ سبق پڑھانا شروع کر دیا کہ ہاتھ کس طرح دھوئیں تو کوئی گھر میں جم کی طرح کی کسرت کرنے کی ٹریننگ دے رہا ہے اور کئی بڑے بڑے ستارے مودی جی کے 21 دن کے لاک ڈاؤن پر پوری طرح عمل کرنے کی گذارش کر رہے ہیں۔
دبنگ خان نے حال ہی میں ایک ویڈیو میں لوگوں کو مشورہ دیا کہ برائے مہربانی ہاتھ دھوتے رہیں، ایک دوسرے سے نہ ملیں اور بغیر ضرورت باہر نہ نکلیں۔ ورون دھون لوگوں کی کسرت کرنے کی حوصلہ افزائی کر رہے ہیں۔
ConversionConversion EmoticonEmoticon
Note: only a member of this blog may post a comment.